Монголын TOPIK Шалгалтын Хорооноос цахим хуудас болон бүртгэлийн хуудас зэрэгт шалгуулагчийн заавал дагаж мөрдөх дүрэм журмыг нийтэлж, танилцуулж ирэв. Холбогдох дүрэм журам зөрчсөн шалгуулагчийн шалгалт өгөх эрхийг 2-4 жилээр хасах, шалгалтын оноог хүчингүй болгох зэрэг арга хэмжээ авдаг. Иймд цахим хуудсанд байрлуулсан зар, мэдээ мэдээлэл, зүй бус үйлдлийн тухай дүрэм журмыг сайтар уншиж танилцана уу. 

ШАЛГАЛТАНД АВЧ ИРЭХ ЗҮЙЛ

• Бүртгэлийн хуудас 
• Иргэний үнэмлэх, гадаад паспорт, жолооны үнэмлэхний аль нэг. (Иргэний үнэмлэхний лавлагаа байж болно. Насанд хүрээгүй бол төрсний гэрчилгээ авчирна.)

ҮҮНД:

• Бичиг баримт (Иргэний үнэмлэх, төрсний гэрчилгээ, жолооны үнэмлэх, гадаад паспортын аль нэгийг авч ирнэ.) эх хувилбараар авчрах бөгөөд хуулбар байж болохгүй.
• Бүртгэлийн хуудсыг topik.mn сайт руу бүртгүүлсэн хаягаар нэвтэрч ороод ЦАХИМ БҮРТГЭЛ - БҮРТГЭЛИЙН ХУУДАС хэсгээс хэвлэн авч шалгалтын өдөр заавал авч ирэх үүрэгтэй. Хэрэв сайт руу бүртгүүлсэн хаягаар нэвтэрч орж чадахгүй, бүртгүүлсэн хаягаа санахгүй байгаа тохиолдолд “Монголын TOPIK-ын бүртгэл” facebook чатаар төрсөн он, сар, өдөр, овог нэрээ бичин илгээж авах боломжтой. 
• Шалгуулагч бүртгэлийн хуудсанд бичигдсэн хуваарьт шалгалтын байранд заасан цагт хүрэлцэн ирж, хуваарьт ангийн суудлаа олж суусан байх хэрэгтэй бөгөөд хоцорсон тохиолдолд шалгалтанд оруулахгүй. /Хүснэгтээс шалгалтын цагийг харна уу./

ШАЛГАЛТЫН ЦАГ, ШАЛГАЛТЫН БАЙР 

※ 08:20 минутанд шалгалтын байрны хаалга барьдаг тул шалгалт өгөх байр, ангиа олоход хэр хугацаа зарцуулахыг сайтар тооцох нь шалгуулагчийн үүрэг юм. Хоцорч ирээд шалгалтын байранд нэвтрэхийг оролдох, нэвтрэх, хэрүүл шуугиан дэгдээх, зохион байгуулагчдын шаардлагыг эсэргүүцвэл зохисгүй үйлдэлд тооцон шалгалт өгөх эрхийг 2 жилээр хасна. Энэ тохиолдолд бүртгэлийн хураамжийг буцааж олгохгүй. 

 ※ 11:30 минутанд шалгалтын байрны хаалга барьдаг тул шалгалт өгөх байр, ангиа олоход хэр хугацаа зарцуулахыг сайтар тооцох нь шалгуулагчийн үүрэг юм. Хоцорч ирээд шалгалтын байранд нэвтрэхийг оролдох, нэвтрэх, хэрүүл шуугиан дэгдээх, зохион байгуулагчдын шаардлагыг эсэргүүцвэл зохисгүй үйлдэлд тооцон шалгалт өгөх эрхийг 2 жилээр хасна. Энэ тохиолдолд бүртгэлийн хураамжийг буцааж олгохгүй. 

БИЧИГ БАРИМТ ШАЛГАХ 

• Шалгуулагч нь бүртгэлийн хуудас, иргэний үнэмлэх (эсвэл гадаад паспорт, лавлагаа, жолооны үнэмлэх, төрсний гэрчилгээ) хоёрыг заавал авчрах ёстой. 
• Хянагч багш болон бусад эрх бүхий этгээдийн шаардсанаар бичиг баримтаа шалгуулах үүрэгтэй бөгөөд эс шалгуулбал зүй бус үйлдэл үйлдсэнд тооцно.

ХАРИУЛТЫН ЦААС БӨГЛӨХӨД АНХААРАХ ЗҮЙЛ

• Овог нэрийг (эхлээд овог дараа нь нэр) латин үсгээр бүтнээр нь нэг нүдэнд бичнэ.

          Жишээ нь: Эцэг, эхийн нэр: Dorj     өөрийн нэр: Batbold         Dorj Batbold

• Бүртгэлийн дугаар /Бүртгэлийн хуудас эсвэл ширээн дээрх наалтанд бичсэн шалгуулагчийн дугаарыг бичнэ./
• Вариант тэмдэглэх хэсэгт бүртгэлийн дугаарын сүүлийн орон сондгой тоогоор төгссөн бол (1, 3, 5...) 홀수형, тэгш тоогоор төгссөн бол (0, 2, 4 ...) 짝수형 вариантыг сонгон дугуйг харлуулж бөглөнө.

БУСАД ЗҮЙЛ 

• Ширээний дээд буланд наасан цаасан дээрх овог нэр, төрсөн он сар өдрөө хянаж зөв эсэхийг нягтлах. Хэрэв алдаатай бол шалгалтын дараа шалгалтын төв комисст өөрийн биеэр бичиг баримттайгаа ирж мэдэгдэх. 
• Шалгалтын болон завсарлах цагаар бүх төрлийн электрон, ухаалаг хэрэгсэл, гар утас ашиглахыг хориглох бөгөөд хэрэглэсэн нь илрэх аваас зүй бус үйлдэлд тооцно. 
• Шалгалтын өдөр, шалгалт эхлэхээс 40-50 минутын өмнө хуваарьт байр, ангиа олж очин хянагч багшийн зааврыг дагуу шалгалтанд бэлдэнэ. (Хуваарьт байр, ангиас өөр байр, ангид орж сууж болохгүй.) 

• Шалгалт өгөх үедээ иргэний үнэмлэх, төрсний гэрчилгээг ширээн дээр тавьсан байх ёстой. 
• Шалгалтын үеэр ширээн дээр иргэний үнэмлэх, төрсний гэрчилгээнээс өөр зүйл байлгаж болохгүй бөгөөд зөрчвөл зүй бус үйлдэл үйлдсэнд тооцно. (Бүртгэлийн хуудас, идэж уух зүйл байлгаж болохгүй)  
• Шалгуулагч нь шалгалтын цагт багтааж хариултын хуудсыг бөглөх ёстой. Цагаа зөв хуваарилах нь шалгуулагчийн үүрэг юм. (Сонсох шалгалтын үед асуултаа сонсонгоо хариултын хуудсыг бөглөнө. Шалгалт дууссан хойно хариултын хуудас бөглөх цаг байхгүй. TOPIK II шалгалтын 1-р цагт, сонсох шалгалтын цагт сонсох асуултыг, бичих шалгалтын цагт бичих асуултанд хариулах ёстой. Үүнийг зөрчсөн нь илэрвэл зүй бус үйлдэлд тооцно.) 
• Шалгалтын дундуур ангиас гарч явж болохгүй. Зайлшгүй гарч явах шаардлагатай бол хянагч багшийн зөвшөөрлөөр, бусдад саад болохгүйгээр дуу чимээ гаргахгүй гарч явна. (Дундаас нь гарч явсан шалгуулагчид оноо өгөхгүй.) 
• Шалгалтын дундуур бүгшүүлж ханиах, гэдэс базлах, бие муудах зэрэг шалтгааны улмаас ангиас гарч, коридорт зогсох, ариун цэврийн өрөө орох шаардлагатай болбол хянагч багшаас зөвшөөрөл авахын зэрэгцээ коридорын хянагчийн хяналтанд байна. 

• TOPIK II шалгалт нь дундаа завсарлагатай хоёр цагаас бүрдэнэ. 1-р цагийн шалгалтыг тасласан бол 2-р цагийн шалгалтанд орох эрхгүй. 1-р цагийн шалгалт, 2-р цагийн шалгалт хоёуланг нь өгч байж оноогоо тооцуулна.  
• Шалгалтын цагаар бусдад саад, төвөг учруулах ямар нэг үйлдэл хийхийг хатуу хориглоно. 
• Шалгалтын байранд тамхи татсан нь илэрвэл шалгалт өгөх эрхийг 2 жилээр хасна. Шалгалтын байрны эд зүйлийг эвдэж гэмтээхгүй байхад анхаарах хэрэгтэй. 
  • Коридорын хянагч, ангийн хянагч багш, зохион байгуулагчдын заавар, тавьсан шаардлагыг үл дагасан шалгуулагч, зүй бус үйлдэл үйлдэгчийг шалгалтын дундаас ангиас гаргах, шалгалтын оноог хүчингүй болгох зэрэг арга хэмжээ авч болох бөгөөд цаашид 2-4 жилийн турш шалгалт өгөх эрхийг хасч болно.  

     

    ШАЛГАЛТАНД АВЧ ИРЭХИЙГ ХОРИГЛОСОН ЗҮЙЛ 

    • Гар утас, дижитал  камер, MP 3, электрон толь бичиг, камертай үзэг, электрон тооны машин, радио, ухаалаг цаг гэх мэт бүх төрлийн ухаалаг, электрон хэрэгсэл  

    ※ Хориглосон зүйлийг биедээ авч ирсэн бол 1-р цагийн шалгалт эхлэхээс өмнө хянагч багшийн заавар дагуу хураалгана. Хянагч багшийн зүй ёсны шаардлага, зааврыг эс дагавал зүй бус үйлдэл үйлдсэнд тооцно.

    ЗҮЙ БУС ҮЙЛДЭЛ

    Зүй бус үйлдэл	Арга хэмжээ
    ·         Хянагч багш шалгуулагчийн иргэний үнэмлэхийг шалгаж нягтлах, биедээ авч яваа зүйлийг шалгах үед шаардлагыг үл биелүүлэх ·         Шалгалтын цаг эхлээгүй байхад эсвэл дууссан хойно хянагч багшийг анхааруулсаар байхад асуултын цаасыг харах, бичиж тэмдэглэх ·         Бусдын хариултыг харах гэж оролдох ·         Электрон хэрэгсэл, гар утас биедээ байлгах, хэрэглэх ·         Шалгалтыг зөв шудрага явуулах гэсэн хянагч багшийн зүй ёсны шаардлагыг эсэргүүцэх ·         Шалгалтын цаг эхлээгүй байхад ширээ, бичгийн хэрэгсэл дээр бичиж тэмдэглэх	Тухайн шалгалтын оноог хүчингүй болгох.
    ·         Шалгалтын үйл ажиллагаанд ноцтой саад учруулах ·         Сэжиг бүхий үйлдэл хийх (зөвшөөрөлгүй гарч орох, бусдад садаа болох, дуу чимээ гаргах, бохь зажлах, юм идэж уух, гар хуруу, бүртгэлийн хуудас дээр ямар нэг зүйл бичиж тэмдэглэх, бичигтэй цаас авч ороод түүнийг хуулах, харилцан солилцох, бусад руу гар хуруугаар дохих г.м.) ·         Бусдыг дарамтлах, хариултын цаасаа харуулах, хариултыг хэлж өгөхийг шаардах ·         Шалгалтын цаг дууссан гэж хянагч багшийг анхааруулсаар байхад хариултын хуудас бөглөх ·         Асуултын хуудсыг ангиас гадагш гаргах, авч явах, урж тасдах, зураг авах ·         Иргэний үнэмлэх зэрэг бичиг баримтыг хуурамчаар үйлдэж ашиглах ·         Түвшин тогтоох шалгалтын дүнгийн гэрчилгээг хуурамчаар үйлдэх, засварлах	2 жилийн турш шалгалт өгөх эрхийг хасна.
    ·         Өөр хүний оронд шалгалт өгөх гэж оролдох, өөр хүний өмнөөс шалгалт өгсөн гэдэг нь илэрвэл тухайн хоёр хүний шалгалт өгөх эрхийг хоёуланг нь хасна.	4 жилийн турш шалгалт өгөх эрхийг хасна.
    Зүй бус үйлдэл гаргавал харъяалагддаг сургууль, байгууллагад нь мэдэгдэнэ. Монгол Улс дахь БНСУ-ын ЭСЯ-нд мэдэгдэх (БНСУ-д зорчих виз олгох, ажиллаж амьдрах, суралцах эрхийг түдгэлзүүлэх хүртэл арга хэмжээ авна.

    ХАЛДВАР ХАМГААЛЛЫН ДЭГЛЭМ

    Шалгалтын байранд дараах хүмүүсийг нэвтрэхийг хориглоно.
  • Шалгалт өгөгчийг дагалдаж яваа хүн
  • -37,5⁰С-аас дээш халуунтай хүн, халдварын шинж тэмдэгтэй хүн

     

    Дэлгэрэнгүй мэдээллийг https://topik.mn , https://www.topik.go.kr  

                                                                      сайтуудаас тодруулна уу.